Helpline.RED kalpui tan a ni

Helpline.RED hi Khampat Media Project a ni a. Subject leh line hrang hranga harsatna kan neihte kan inpuih tawn theihna tura siam a ni. Subject engemaw bika thiamna nei te zingah mi dang tana an thiamna pek ui lo mi tam tak an awm tih kan hria a, chumite tan chuan a thlawna blog an siam theihna turin kawng kan hawng a ni. He domain hmang hian Helpline Network lian pui a huhoin kan siam theih kan ring tlat a ni.

A hmasa ber atan Android OS, apps leh devices chungchanga inpuih tawnna turin blog pakhat siam a ni a. He blog hi Facebook lama Android Helpline (MIZO) group enkawltute siam a ni. URL atan Helpline.RED subdomain hman a ni a, hetiang hian – android.helpline.red. Hetiang Subdomain format ang hian mahni tuina zawng subject hrang hrangah mahni thuin blog a siam zung zung theih dawn a ni.

Tunah hian User Registration tih hnuah helpline site tur chu a register theih a ni. Tunah rih chuan a enchhinnaa tan webspace hi 100MB chiah kan la dah a ni. In feedback kan dawn dan leh a tul dan anga ennawn zel tur a ni ang.

I thiamna mi dangte tan han luahchhuahtir ve teh le.

Leave a Reply

Your email address will not be published. Required fields are marked *